Hestheimar

Hópur sóttur kl. 17.00. Brunað með hópinn á Hestheima þar sem hjónin Gísli og Ásta Begga taka á móti ykkur. Húsbóndinn á bænum byrjar á því að fara með ykkur í fjörugan línudans á meðan húsfreyjan græjar hlaðborðið. Boðið verður síðan upp á glæsilegt hlaðborð og desert.

Hægt væri að fá trúbador á svæðið sem syngur með ykkur hópsöng o.fl. eða spilar dansmúsik þannig að hægt sé að sprikla meira fram á kvöld (Aldrei að vita nema tekin verði nokkur kántrýlög, þar sem þið verðið nú útskrifuð úr línudansi Gísla).

Heimför kl. cirka 12:00-01:00.

Sjávarréttir og sundin

Sigling með Hafsúlunni, góður matur um borð og einstakt útsýni. Siglt er um sundin á meðan gestir njóta veitinga af hlaðborði. Ef aðstæður leyfa setjum við út skelplóg og rannsökum það sem upp kemur. Ferskari getur forrétturinn/eftirrétturinn ekki orðið.

Hafið samband og við gerum ykkur gott tilboð.

Lágmarksfjöldi er 40 manns.

Mateðill Hafsúlunnar

Keflavíkurnætur

Lagt af stað kl. 18:00, borðað á Veitingastaðnum Ránni, í Keflavík. Ráin er einn glæsilegasti veitinga- og skemmtistaður landsins með útsýni yfir upplýst bergið. Eftir ljúffengan kvöldverð er stiginn dans og dansað fram eftir kvöldi. Heimkoma um kl. 23:30-24:00

Hafið samband og við gerum ykkur gott tilboð.

Matseðill: Ráin

Humarveisla

Lagt af stað kl. 18:00, borðað á humarstaðnumVið fjöruborðiðá Stokkseyri og við tekur skemmtileg kvöldstund. Komið heim um kl. 23:30.

Hafið samband og við gerum ykkur gott tilboð.

Matseðill Fjöruborðsins

Lónið í Grindavík

Hópur sóttur kl. 14.00. Ekið til Grindavíkur þar sem skoðað verður Saltfisksetur Íslands og Gjáin. Á Saltfisksetrinu er farið yfir sögu saltfisksins á Íslandi, þar sem saltfiskvinnslu á Íslandi er gerð mjög góð skil.
Sýningin á Gjánni lýsir á áhugaverðan hátt jarðfræði Íslands, Reykjaness og Svartsengis og útskýrir hvernig ólíkar fræðigreinar mætast við rannsóknir og eftirlit háhitasvæða. Jarðborun á háhitasvæði er útskýrð og farið er í gegnum framleiðsluferli rafmagns og hitaveituvatns í orkuverinu í Svartsengi.
Að lokinni sýningu mun hópurinn baða sig í náttúrulegu umhverfi Bláa Lónsins og bragða á hinum fræga Bláa Lóns kokteil. Þegar hópurinn er svo loks orðinn hreinn og fínn munu matreiðslumenn Bláa Lónsins töfra fram 3ja rétta ljúffengar sælkeramáltíðir.
Að þessu loknu mun hópurinn aka áleiðis til Reykjavíkur.
Heimkoma um kl. 23:30-24:00


Hafið samband og við gerum ykkur gott tilboð.

Matseðill Bláa Lónsins

Hveradalir & skálinn

Lagt af stað kl. 18:00, komið í Skíðaskálann í Hveradölum
um kl. 19:00. Borðhald og fjör frameftir kvöldi og komið heim um miðnætti.

Hafið samband og við gerum ykkur gott tilboð.

Matseðill Skíðaskálans

Gokart & Lónið

Starfsmenn sóttir á vinnustað kl. 17:00 og ekið á GO-Kart svæðið í Njarðvík. Eftir æsispennandi kappakstur er farið í Bláa Lónið þar sem fólk getur farið í bað, borðað góðan mat eða bara notið náttúrunnar og haft það huggulegt. Komið er til baka 23:00. (Ef að hópur ætlar í mat)

Hafið samband og við gerum ykkur gott tilboð.